今日好出奇地好早放左工，俾啊總趕走....唔俾人OT....聽日都晚宴...又會咁既...

好累，自己一個人去左花園餐廳食野～～～呢間花園餐廳星期日同娜姐都有經過，我諗因為新起既關係，個次啲侍應好落力咁叫我地上去食，諗起好搞笑.....所以今次經過上去試下啦....

估唔到都幾好丫，地方好新淨，野食亦放得出奇地靚，個餐包又幾好味，啲侍應服務又好好，不過就冇咩客人 (可能係咁先咁好)，所以我一個人都可以坐張四人窗口位，因為都幾累既關係，所以坐左好耐，個感覺都好休息....

聽日返二點既關係，所以唔駛咁早起身...太好啦，因為咁凍既天氣早起身係好辛苦，不過今日好似暖返少少，其實我好怕太凍，因為好辛苦真係，同埋我唔鍾意著衫著到成隻(腫)咁，好樣衰因為～～～～～聽晚晚宴應該都冇咩食野時間～～～希望一切都順順利利啦～～～好野，返埋聽日放三日假，打算去大陸dup骨，好累因為~~~~~~